Նյութի աղբյուր «Ազատություն» TV
«Ֆեյսբուքյան ասուլիս» «Սևան» ազգային պարկի տնօրեն Վահե Գուլանյանի հետ. 03.08.2018
API key not valid. Please pass a valid API key.
Ես ողջ ու առողջ եմ…«Սեւան» ազգային պարկի տնօրեն
Նյութի աղբյուր՝ asekose.am
API key not valid. Please pass a valid API key.Մամուլը գրել էր, որ «Սեւան» ազգային պարկի տնօրենը հայտնվել է հիվանդանոցում՝ Սեւանի ջուրը խմելուց հետո, ինչից հետո Վահե Գուլանյանը հանդես է եկել հայտարարությամբ՝ մասնավորապես նշելով.
«Հարգելի հայրենակիցներ տեղեկացնում եմ Ձեզ, որ Սևանի ջուրը խմելուց հետո ես ինձ շատ լավ եմ զգում, հիվանդանոցում չեմ, երբևիցէ վերջին մի քանի տարվա մեջ հիվանդանոց չեմ դիմել և ընդհանրապես չեմ հիվանդացել:
Տարածվող լուրերը ամբողջությամբ ապատեղեկատվություն է: «Ժամանակ» թերթը պատասխանատվության է կանչվելու օրենքով սահմանված կարգով, ինչպես նաև պարտադրելու ենք բացահայտի նյութի աղբյուրը, իսկ մնացած լրատվամիջոցներին հորդորում եմ հերքել իրենց տարածած ապատեղեկատվությունը»:
API key not valid. Please pass a valid API key.
Անօդաչու թռչող սարքերի ձեռք բերում՝ ուղղված <<Սևան>> ազգային պարկ>> ՊՈԱԿ-ի պահպանության բարելավմանը
Բնապահպանության ոլորտում դրամաշնորհի փնտրտուքների ընթացքում <<Սևան>> ազգային պարկ>> ՊՈԱԿ-ը հանդիպեց IDEA WILD հիմնադրամին, որը միջազգային հարթակում հայտնի հիմնադրամ է և որի գործունեության նպատակն է վերազինել, հզորացնել և ակտիվացնել աշխարհի առավել հեռանկարային բնապահպանական կազմակերպություններին` զարգացնելու և խթանելու մոլորակի կենսաբազմազանության պահպանությունը:
2017թ. հունիսի 30-ին <<Սևան>> ազգային պարկ>> ՊՈԱԿ-ը դիմել է IDEA WILD հիմնադրամին՝ բնապահպանության ոլորտում դրամաշնորհ ստանալու նպատակով: Ներկայացրել ենք <<Անօդաչու թռչող սարքերի ձեռք բերում <<Սևան>> ազգային պարկ>> ՊՈԱԿ-ի կենսաբազմազանության պահպանության բարելավման նպատակով>> ծրագիրը, որն ուղղված էր նաև ժամանակակից բնապահպանական տեխնոլոգիաներով ՊՈԱԿ-ի տեխնիկական վերազիննմանը: IDEA WILD հիմնադրամը հավանության արժանացրեց ՊՈԱԿ-ի կողմից ներկայացված ծրագիրը և 2017թ. նոյեմբերի 26–ին <<Սևան>> ազգային պարկ>> ՊՈԱԿ-ին շնորհեց Parrot DISCO FPV և Parrot Bebop 2 դրոնները՝ 1000$ արժողությամբ:
Դրոնները, հանդիսանալով ժամանակակից բնապահպանական գործիքներ, մեզ օգնեցին խթանել պարկի պահպանության իրականացումը, գնահատել <<Սևան>> ազգային պարկի անտառախիտ տարածքների ներկա վիճակը, ինչպես նաև օժանդակել Սևանա լճում բնադրող ջրլող թռչունների տեսակների ընթացիկ ուսումնասիրության անցկացմանը: Բացի դրանից, դրոնները մեծ նշանակություն ունեցան պարկի տարածքում գտնվող արգելոցների և արգելավայրերի, հատկապես դրանց տարածքում գտնվող էնդեմիկ բուսատեսակների և կենդանատեսակների պահպանության, ինչպես նաև մարդու վնասակար ազդեցությունը կարևոր նշանակություն ունեցող հատուկ պահպանվող տարածքներում բացառելու առումով: Օգնեցին կանխարգելել հատուկ պահպանվող տարածքներում ապօրինի ծառահատումները, որովհետև յուրաքանչյուր ծառ, յուրաքանչյուր տեսակ, յուրաքանչյուր վայր կարևոր նշանակություն ունի մեր բնաշխարհում, որի պահպանությունն ու պաշտպանությունը մեր հավաքական ապագան է :
Բնությունն այն է, ինչից կախված է մեր կյանքը և գոյությունը: Այն մեր բարօրության և բարեկեցության աղբյուրն է և այն պաշտպանելը մեր պարտականությունն ու առաջնային խնդիրն է:
Նվիրաբերված դրոնները <<Սևան>> ազգային պարկ>> ՊՈԱԿ-ի պահպանության բաժնի համար կարևոր նշանակություն ունեն, ինչի համար <<Սևան>> ազգային պարկ>> ՊՈԱԿ-ը իր խորին շնորհակալությունն է հայտնում IDEA WILD միջազգային հիմնադրամին:
<<Սևան>> ազգային պարկ>> ՊՈԱԿ-ում հյուրընկալվել էր Շվեդիայի <<Մասնավոր անտառների սեփականատերերի ասոցիացիայի>> պատվիրակությունը
<<Սևան>> ազգային պարկ>> ՊՈԱԿ-ում 15.05.2018թ․-ին հյուրընկալվել էր Շվեդիայի <<Մասնավոր անտառների սեփականատերերի ասոցիացիայի>> պատվիրակությունը։ Հանդիպման ընթացքում ՊՈԱԿ-ի տնօրեն Վահե Գուլանյանը ներկայացրեց <<Սևան>> ազգային պարկ>> ՊՈԱԿ-ի գործունեությունը և Սևանա լճի պահպանության համար իրականացվող միջոցառումները: Կողմերը հետագա համագործակցության և փորձի փոխանակման պատրաստակամություն հայտնեցին։
<<Հայ-բելառուսական բարեկամության անտառի>> հիմնում
<<Հայ-բելառուսական բարեկամության անտառի>> հիմնման նպատակով ՀՀ բնապահպանության նախարարության <<Սևան>> ազգային պարկ>> ՊՈԱԿ-ի և անտառների կառավարման հանրապետական ունիտար <<Բելգոսլես>> ձեռնարկության միջև կնքված պայմանագրի համաձայն, <<Սևան>> ազգային պարկ>>-ի տարածքում շուրջ 10 հա-ի վրա իրականացվում են անտառտնկման աշխատանքներ: Նման լայնածավալ անտառտնկման աշխատանքները եզակի են և շատ կարևոր տարածաշրջանի համար: Ապրիլի 17-ին <<Սևան>> ազգային պարկ>> ՊՈԱԿ-ի աշխատակիցների հետ համատեղ ծառատունկին մասնակցել են նաև ՀՀ Գեղարքունիքի մարզպետարանի և Ծովագյուղ համայնքի պոլիկլինիկայի աշխատակիցները, ինչպես նաև Ծովագյուղ համայնքի դպրոցի ավագ դասարանների աշակերտները: Ինչպես արդեն հայտնել էինք, տնկիները բերվել են Բելոռուսի հանրապետությունից և ՀՀ-ում են եղել 16.04.2018թ.-ին, իսկ <<Սևան>> ազգային պարկ>> ՊՈԱԿ-ի կողմից մինչև տնկիների հասնելը իրականացվել էին նախապատրաստական աշխատանքներ: Շնորհակալություն բոլոր մասնկիցներին:
Հայ-բելառուսական բարեկամության անտառի հիմնման համար տնկիներն այսօր հասան <<Սևան>> ազգային պարկ
Հայ-բելառուսական բարեկամության անտառի հիմնման համար բելառուսների կողմից ուղարկված տնկիներն այսօր հասան <<Սևան>> ազգային պարկի տարածք: Տնկիների հետ նաև <<Սևան>> ազգային պարկ>> ՊՈԱԿ-ին են տրամադրվել անտառտնկման համար աշխատանքային գործիքներ:<<Սևան>> ազգային պարկ>> ՊՈԱԿ-ի և Բելգոսլես կազմակերպության ներկայացուցիչները միասին տնկիները դատարկեցին, պահեստավորեցին, նախապատրաստեցին տնկման համար, նաև փորձարկեցին գործիքները: Վաղը Սևանի մասնաճյուղի տարածքում, Ծովագյուղ համայնքին հարակից հատվածում, շուրջ 10 հա մակերեսով տեղի կունենա ծառատունկ: Հրավիրում ենք բոլորին՝ իրենց մասնակցությունն ունենալու այս կարևոր գործին:
Տեղի է ունեցել «Սևան» ազգային պարկ» ՊՈԱԿ-ի խորհրդի նիստ
Բնապահպանության նախարարությունում տեղի է ունեցել «Սևան» ազգային պարկ» ՊՈԱԿ-ի խորհրդի նիստ։ Այս մասին տեղեկացնում են բնապատպանության տեղեկատվության վարչությունից:
Նիստում քննարկվել են ազգային պարկի 2017 թվականի ֆինանսատնտեսական հաշվետվությանը և հաշվապահական հաշվեկշռի հաստատմանը վերաբերող հարցեր:
Խորհուրդը մեկնարկել է նաև «Սևան» ազգային պարկ» ՊՈԱԿ-ի հաստիքացուցակը և 2018 թվականի ծախսերի և եկամուտների նախահաշիվ նախագծի քննարկումը։
Նշենք, որ խորհուրդը միջգերատեսչական է, որտեղ ներկայացված են Ազգային ժողովը, բնապահպանության, արդարադատության, տարածքային կառավարման և զարգացման, առողջապահության, գյուղատնտեսության, մշակույթի, ֆինանսների նախարարությունները, նախագահին առընթեր Սևանա լճի հիմնահարցերի հանձնաժողովը, կառավարության աշխատակազմի տարածքային զարգացման և բնապահպանության վարչությունը, գիտությունների ազգային ակադեմիան, կառավարությանն առընթեր կադաստրի պետական կոմիտեն, Գեղարքունիքի մարզետարանը, մարզի մի շարք համայնքներ։
Նյութի աղբյուր` https://www.shantnews.am/news/view/15471.html
Ֆրանս-հայկական զարգացման հիմնադրամի կողմից 2017 թվականին իրականացվեց <<Մաքուր Սևան>> ծրագիրը
Ֆրանս-հայկական զարգացման հիմնադրամի կողմից 2017 թվականին իրականացվեց <<Մաքուր Սևան>> ծրագիրը (ֆինանսավորող՝ <<Վեոլիա>> հիմնադրամ): Ծրագրի շրջանակներում <<Սևան>> ազգային պարկի>> ՊՈԱԿ-ին տրամադրվեցին նոր աղբամաններ՝ 240 և 1100 լիտր տարողություններով, հանրային լողափերի մուտքերի մոտ տեղադրվեցին ուղղորդող, իսկ հանրային լողափերի տարածքներում՝ ինֆորմացիոն ցուցանակներ և աշխատանքի հանրային լողափերը սպասարկող անձնակազմ՝ 20 մարդ: Ծրագրի իրականացման արդյունքում լողափերը դարձան ավելի գրավիչ և հնարավոր եղավ ապահովել պատշաճ մաքրություն: Ծրագրի իրականացման ընթացքում նաև իրականացվեցին մի շարք միջոցառումներ,որոնց ընթացքում Ֆրանս-հայկական զարգացման հիմնադրամի կամավորների կողմից հանգստացողներին բաժանվեցին թղթյա մեկանգամյա օգտագործման փոքրիկ աղբամաններ (փոքր աղբը ավազին չլցնելու նպատակով), որն առաջացրեց հանգստացողների հետաքրքրությունը և տվեց դրական արդյունք՝ արդեն նման աղբամաններին ծանոթ մարդիկ հարցնում, հետաքրքրվում էին , թե կան արդյոք փոքր աղբամաններ, որպեսզի կարողանային փոքրիկ մնացորդների համար օգտագործել:
API key not valid. Please pass a valid API key.