Սիրելի կանայք և աղջիկներ, <<Սևան>> ազգային պարկ>> ՊՈԱԿ-ի անձնակազմը ի սրտե շնորհահավորում է Մարտի 8-ի՝ գարնանային այս գեղեցիկ տոնի կապակցությամբ, ցանկանում հավերժ գեղեցկություն և երիտասարդություն, անսահման սեր, երջանկություն և առողջություն:
«Սևան» ազգային պարկ» ՊՈԱԿ-ի կարիքների համար ՍԱՊ-ԳՀԱՊՁԲ-19/01 ծածկագրով վառելիքի ձեռք բերման հայտարարություն և հրավեր:
http://www.gnumner.am/website/images/original/GH-apranq_HRAVER-SEVAN.pdf
Ինչպես հրապարակվել էր ավելի վաղ, ձկնորսների հետ տարված բացատրական աշխատանքների շնորհիվ վերջիններս լճից ինքնակամ դուրս են բերում թաքցրած և դեռևս լճից դուրս չբերված ցանցերը:
API key not valid. Please pass a valid API key.
2019թ. Հունվարի 11-ին Գեղարքունիքի մարզպետարանում կայացավ խորհրդակցություն Գեղարքունիքի մարզպետարանի, բնապահպանության նախարարության, <<Սևան>> ազգային պարկ>> ՊՈԱԿ-ի, ՀՀ ոստիկանության, բնապահպանության և ընդերքի տեսչական մարմնի, ինչպես նաև Սևանա լճում ձկնորսությամբ զբաղվող մի խումբ անձանց մասնակցությամբ։ Քննարկվեցին <<Սևանա լճում սիգի ձվադրման ժամանակահատվածում իրականացվող միջոցառումների>> վերաբերյալ կնքված քառակողմ համաձայնագրի շրջանակներում իրականացվող միջոցառումների արդյունավետության հարցը, ձեռք բերվեցին պայմանավորվածություններ հետագա աշխատանքների համար։ Խորհրդակցությանը ներկա ձկնորսների ներկայացուցիչները խոստացան աջակցել ձկան ձվադրման ժամանակահատվածում իրականացվող արգելքի միջոցառումներին, խոստացան ինքնակամ դուրս բերել իրենց կողմից թաքցված և լճից դեռևս դուրս չբերված ձկնորսական ցանցերը։ Խորհրդակցության արդյունքում ձեռք բերված պայմանավորվածության արդյունքում հունվարի 12-ին իրականացված համատեղ միջոցառումների արդյունքում լճից դուրս են բերվել մեծ թվով ցանցեր և 16000 հատ սիգ տեսակի ձուկ։ Ժամը 16։00-ի դրությամբ 16000 հատ սիգ հանձնվել է Գեղարքունիքի, Վայոց Ձորի և Տավուշի մարզերի սահմանամերձ զորամասեր։ Նմանատիպ միջոցառումները կշարունակվեն մինչև հունվարի 13-ը ժամը 18։00-ն։ Տեղեկացնում ենք նաև, որ հերթապահություն է իրականացվում Ճանապարհային Ոստիկանության Սևանի ՊԱՏ հենակետում , Դիլիջանի թունելի սկզբնամասում, Վարդենիս-Սոթք ճանապարհի հատվածում, ինչը կշարունակվի մինչև հունվարի 20-ը։ <<Սևան>> ազգային պարկ>> ՊՈԱԿ-ը իր շնորհակալությունն է հայտնում Գեղարքունիքի մարզպետարանի, բնապահպանության և ընդերքի տեսչական մարմնի, ՀՀ ոստիկանության աշխատակիցներին համատեղ արդյունավետ աշխատանքի համար, ինչպես նաև այն ձկնորսներին, ովքեր ըմբռնումով են մոտենում հարցի կարևորությանն և ինքնակամ դուրս են բերել ցանցերն ու լողամիջոցները։ Նշենք նաև, որ նմանատիպ համատեղ լայնածավալ միջոցառումներ ՀՀ-ում իրականացվում են առաջին անգամ:
Այսօր՝ 10.01.2019թ.-ին, կապված Սևանա լճում սիգ տեսակի ձկան ձվադրման հետ, <<Սևան>> ազգային պարկ>> ՊՈԱԿ-ի և ՀՀ ոստիկանության աշխատակիցները ստուգայց են իրականացնում Սևանա լճում: Չնայած եղանակային անբարենպաստ պայմաններին, աշխատակիցները շրջել են լճի վրա և դուրս են բերել ապօրինի տեղադրված ձկնորսական պոլիէթիլենային ցանցերն ու խեցգետն ահավաքները:
Կազմակերպության կողմից իրականացվող, մոնիթորինգը և կադաստրի վարումն ուղղված են պարկի տարածքի բնական էկոհամակարգերի ուսումնասիրմանը, բնական երևույթների և էկոլոգիական իրավիճակի կանխատեսմանն ու գնահատմանը, բուսական և կենդանական աշխարհի գենոֆոնդի պահպանմանը, ինչպես նաև բնական պաշարների արդյունավետ օգտագործման և բնության պահպանության գիտական
հիմունքների մշակմանը:
1) կազմակերպվում և իրականացվում է Հայաստանի Հանրապետության պետական բյուջեի, կազմակերպության կողմից ձեռնարկատիրական գործունեությունից ու տարբեր ծառայությունների մատուցման դիմաց վճարումներից առաջացած միջոցների և Հայաստանի Հանրապետության օրենսդրությամբ չարգելված այլ ֆինանսական միջոցների հաշվին.
2) նպատակաուղղված է կենսաբանական բազմազանության տարածվածության, տեսակային կազմի, քանակի, բնակության վայրերի, կենդանիների միգրացիայի ուղիների առկա վիճակի բացահայտմանը, էկոհամակարգերի և դրանց բաղադրիչների քանակական և որակական փոփոխությունների գնահատմանն ու կանխատեսմանը, բնական և մարդածին գործոնների ազդեցության բացահայտմանը.
3) իրականացվում է ելակետային տվյալների ստացման և հավաքագրման նպատակով ստեղծված դիտարկման ցանցում, որը ներառում է մշտական կամ ժամանակավոր (սեզոնային) դիտակետեր, փորձահրապարակներ, երթուղիներ: Դիտարկման ցանցի տեղաբաշխման նախագիծը մշակում է կազմակերպությունը և ներկայացնում լիազորված պետական մարմնի հաստատմանը:
1) կազմակերպվում և իրականացվում է Հայաստանի Հանրապետության պետական բյուջեի, կազմակերպության կողմից ձեռնարկատիրական գործունեությունից ու տարբեր ծառայությունների մատուցման դիմաց վճարումներից առաջացած միջոցների և Հայաստանի Հանրապետության օրենսդրությամբ չարգելված այլ ֆինանսական միջոցների
հաշվին.
2) իրականացվում է գիտական ուսումնասիրությունների, մոնիթորինգի իրականացման արդյունքում ստացված տվյալների, տարածքների օգտագործման պայմանագրերի, վճարովի ծառայությունների մատուցման մասին տվյալների հիման վրա.
3) նպատակաուղղված է գիտական ուսումնասիրությունների և մոնիթորինգի իրականացման ընթացքում ստացված տվյալների հավաքագրմանն ու դասակարգմանը, տարածքների և բնական պաշարների օգտագործման հաշվառմանը, ամփոփմանը և վերլուծմանը, տարածքների օգտագործման օպտիմալ ծանրաբեռնվածության բացահայտմանը.
4) իրականացվում է գիտական ուսումնասիրությունների, մոնիթորինգի իրականացման արդյունքում ստացված տվյալների, տարածքների օգտագործման պայմանագրերի, վճարովի ծառայությունների մատուցման մասին տվյալների հիման վրա` տվյալները գրանցելով գրանցամատյանում և համակարգչային տվյալների շտեմարաններում:
“Սևան” ազգային պարկ ՊՈԱԿ-ի բնագիտական թանգարանը ստեղծվել և գործում է 1996թ.-ից: Թանգարանի բուն նպատակն է հասարակությանը իրազեկ դարձնել Սևանի տարածաշրջանի շրջակա միջավայրին, նրա պատմությանը, ֆաունային, ֆլորային, ընդերքին և այլն: Թանգարանի ցուցանմուշների հավաքչական աշխատանքները սկսվել են ազգային պարկի հիմնադրման օրերից, ինչպես նաև ձեռք են բերվել գնման և նվիրատվության միջոցով:
Թանգարանում ներկայացված է շուրջ 700 միավոր առարկա` բոլորն էլ ցուցադրության ֆոնդերում: Թանգարանը չունի պահպանության համար նախատեսված ֆոնդեր: Ձեռք բերման աշխատանքները կատարվել են ամբողջ Գեղարքունիքի մարզի տարածքում և շարունակվում են նաև այսօր:
Թանգարանը բաղկացած է երկու սրահներից, որոնք ունեն իրենց առանձին բաժինները`
Թանգարանում ցուցադրությունը սկսվում է ժամանակագրական կարգով` ներկայացնելով Սևանի տարածաշրջանի պատմությունն ու ազգագրությունը:
Թանգարանն իրականցնում է հավաքչական, ուսումնասիրման, մշակման, պահպանման աշխատանքներ` ըստ համապատասխան բաժինների: Այն ապահովում է նաև Սևանի տարածաշրջանին վերաբերող տեղեկատվության տրամադրում:
Թանգարանն ունի նաև գրադարան համապատասխան գրականությամբ, որն ուսումնասիրվում է ոչ միայն <<Սևան>> ազգային պարկ ՊՈԱԿ-ի մասնագետների, այլ նաև բնակչության կողմից: Թանագարանում իրականացվում են միջոցառումներ, կինոդիտումներ, սեմինարներ, բանավեճեր, որոնք վերաբերում են Սևանա լճին, շրջակա միջավայրի աղտոտվածությանը, բնապահպանությանը և այլն: Անցկացվում են հանրամատչելի, ուսուցողական, ճանաչողական դասընթացներ, վիկտորինաներ: Պահպանվում է կապը դպրոցների, մանկապարտեզների, մանկապատանեկան տարբեր կենտրոնների, զբոսաշրջիկների հետ, ինչպես նաև իրականացվում են էքսկուրսիաներ` տարբեր տարիքի անձանց հետ:
Թանգարանը գտնվում է Ք. Սևան, Սայաթ-Նովա 14 հասցեում, Սևանի քաղաքային մշակույթի կենտրոնի շենքում: Հեռախոս` (0261) 2-02-83
SavageofSevan նախաձեռնության շրջանակներում զբոսաշրջիկների կողմից կատարված հանգանակությունների շնորհիվ <<Սևան>> ազգային պարկի տարածքում՝ Ծովագյուղ համայնքին հարակից հատվածում այսօր՝ 31.10.2018թ.-ին մենկնարկել է աշնանային ծառատունկը: Տնկվելու է թվով 700 բարդի տեսակի ծառեր, ինչպես նաև կատարվելու է անտառի լրացում՝ 7000 հատ սոճու բնական վերաճից: Տնկիներն արդեն պատրաստ են, իսկ աշխատանքները տևելու են մինչև նոյեմբերի 13-ը: Բոլոր ցանկացողներին հրավիրում ենք մասնակցելու ծառատունկին:
#Worldcleanup <<Սևան>> ազգային պարկ>> ՊՈԱԿ-ի Նորատուսի աշխատակիցների կողմից այսօր լանյածավալ մաքրության աշխատանքներ իրականացվեցին Նորատուսի մասնաճյուղի ամբողջ տարածքում: Շնորհակալություն բոլոր աշխատակիցներին և խնդրանք հանրությանը՝ մի թափեք աղբը անտառում, մենք հավատում ենք, որ Ձեզ էլ այս տեսարանները դուր չեն գալիս:
#worldcleanup <<Սևան>> ազգային պարկի տարածքի Վարդենիսի հատվածը մաքրվում է Վարդենիսի մասնաճյուղի աշխատակիցների կողմից: Աշխատակիցների կողմից աղբը հավաքվել է, իսկ <<Համաշխարհային մաքրության օր>> հիմնադրամի աջակցությամբ այն տարածքից կհեռացվի: Համեմատաբար քիչ օգտագործվող հատվածները նույնչափ աղտոտված են, որքան մարդաշատ վայրերը: Եկեք այսուհետ մաքուր պահենք մեր երկիրը….
