Առաջիկայում Սևանի թերակղզու կենտրոնական հատվածի առևտրի անբարեկարգ տաղավարները կապամոնտաժվեն

2019թ. հոկտեմբերի 23-ին <<Սևան>> ազգային պարկ>> ՊՈԱԿ-ի տնօրենը հանդիպել է Սևանի թերակզու տարածքում առևտրով զբաղվող տնտեսվարողների հետ։ Հանդիպման ընթացքում քննարկվել է անբարեկարգ տաղավարները նոր տաղավարներով փոխարինելու հարցը: Տնտեսվարողները համաձայնել են գոյություն ունեցող առևտրի անբարեկարգ տաղավարներն ապամոնտաժել և թերակղզու կենտրոնական հատվածում, ավտոկանգառի երկայնքով միատեսակ բարեկարգ տաղավարներ տեղադրել: Նրանց հետ պայմանավորվածություն է ձեռք բերվել նաև իրենց միջոցներով թերակղզու կենտրոնական հատվածից դեպի եկեղեցի տանող ճանապարհի լուսավորության ցանցի կառուցման և ճանապարհի երկայնքով նստարաններ տեղադրելու վերաբերյալ:
Աշխատանքները կիրականացվեն մինչև 2019 թվականի ավարտը:

 

Սևանի թերակղզում կգործի հեծանիվների վարձույթ և կտեղադրվեն բանկոմատներ ու վճարային տերմինալներ

2019թ. հոկտեմբերի 23-ին <<Սևան>> ազգային պարկ>> ՊՈԱԿ-ում տեղի է ունեցել հանդիպում Սևանի թերակզու տարածքում առևտրով զբաղվող տնտեսվարողների հետ։ Քննարկվել է թերակղզու տարածքում հեծանիվների վարձույթի 2 կետ հիմնելու հարցը, որոնցից մեկը լինելու է թերակղզու մուտքի մոտ, կանգառի հարևանությամբ, իսկ մյուսը՝ թերակղզու կենտրոնական հատվածում: Քննարկվել է նաև թերակղզու հատվածում բանկոմատնմերի և վճարային տերմինալների տեղադրման հնարավորության հարցը: Տնտեսվարողներն այս հարցում ևս հայտնել են իրենց պատրաստակամությունը: Աշխատանքները կիրականացվեն մինչև 2019 թվականի ավարտը:
ՀՀ վարչապետի հայտարարությամբ պայմանավորված, որ ամանորյա տոներին մեծաքանակ զբոսաշրջիկներ են այցելելու Հայաստանի Հանրապետություն, և Երևանի հյուրանոցներն ու ռեստորաններն աշխատելու են ամբողջ ծավալով, <<Սևան>> ազգային պարկ>> ՊՈԱԿ-ում քննարկվել է Սևանի թերակղզու կենտրոնական հատվածի հյուրանոցների և ռեստորանների՝ ամանորյա տոներին աշխատելու և տոնական միջոցառումների կազմակերպման հարցը:
Ծաղկաձորի և Սևանի հյուրանոցների /ներկայացուցիչների/սեփականատերերի/ հետ քննարկվել է նաև Ծաղկաձորից դեպի Սևանի թերակղզի և Սևանից դեպի Ծաղկաձոր անվճար ավտոբուսներ տրամադրելու և զբոսաշրջիկներին տեղափոխելու հարցը, ինչը էապես կնպաստի տարածաշրջանում զբոսաշրջության զարգացմանը:

«Սևան» ազգային պարկ» ՊՈԱԿ-ի հերթական քայլը/անակնկալը

«Սևան» ազգային պարկ» ՊՈԱԿ-ը բանակցություններ է վարում պարկի տարածքի տնտեսվարողների հետ՝ մաքրող, լվացող միջոցները բնական ծագում ունեցող մաքրող նյութերով փոխարինելու համար, որոոնց վերջնական արգասիքները բնության մեջ ենթարկվում են ինքնաքայքայման և չեն ախտոտում մակերևույթային ջրերն ու շրջակա միջավայրը:
Պարկի տնտեսվարողներից՝ «ԱրմԴայվինգ սուզորդների ակումբ» ՀԿ-ն առաջինն է, ով արդեն համաձայնել է ձեռք բերել և օգտագործել այդ բնական ծագում ունեցող մաքրող, լվացող և անձնական հիգիենայի համար նախատեսված նյութերը: Ինչպես նաև «ԱրմԴայվինգ սուզորդների ակումբ» ՀԿ-ն պատրաստակամություն է հայտնել լինել առաջամարտիկը նշված նյութերի ներկրման, մնացած տնտեսվարող սուբյեկտներին դրանց մատակարարման հարցում:

Սևանի հատակի մաքրման աշխատանքները շարունակվում են

«Սևան» ազգային պարկ» ՊՈԱԿ-ի և «ԱրմԴայվինգ սուզորդների ակումբ» ՀԿ-ի համատեղ նախաձեռնությամբ նախատեսվում է ՀՀ սուզորդների աջակցությամբ՝ կամավոր հիմունքներով իրականացնել Սևանա լճի հատակում խորտակված հին ձկնորսական ցանցերի մաքրման աշխատանքներ։
Նմանատիպ աշխատանքներ նախկինում ևս իրականացվել են և այսուհետ կլինեն շարունակական։ Նաև նախատեսվում է փոխհամագործակցության հուշագիր կնքել «ԱրմԴայվինգ սուզորդների ակումբ» ՀԿ-ի, «Սևան» ազգային պարկ» ՊՈԱԿ-ի և ՀՀ շրջակա միջավայրի նախարարության միջև:

 

Անօդաչու թռչող սարքերի ձեռք բերում՝ ուղղված <<Սևան>> ազգային պարկ>> ՊՈԱԿ-ի պահպանության բարելավմանը

Բնապահպանության ոլորտում դրամաշնորհի փնտրտուքների ընթացքում <<Սևան>> ազգային պարկ>> ՊՈԱԿ-ը հանդիպեց IDEA WILD հիմնադրամին, որը միջազգային հարթակում հայտնի հիմնադրամ է և որի գործունեության նպատակն է վերազինել, հզորացնել և ակտիվացնել աշխարհի առավել հեռանկարային բնապահպանական կազմակերպություններին` զարգացնելու և խթանելու մոլորակի կենսաբազմազանության պահպանությունը: 
2017թ. հունիսի 30-ին <<Սևան>> ազգային պարկ>> ՊՈԱԿ-ը դիմել է IDEA WILD հիմնադրամին՝ բնապահպանության ոլորտում դրամաշնորհ ստանալու նպատակով: Ներկայացրել ենք <<Անօդաչու թռչող սարքերի ձեռք բերում <<Սևան>> ազգային պարկ>> ՊՈԱԿ-ի կենսաբազմազանության պահպանության բարելավման նպատակով>> ծրագիրը, որն ուղղված էր նաև ժամանակակից բնապահպանական տեխնոլոգիաներով ՊՈԱԿ-ի տեխնիկական վերազիննմանը: IDEA WILD հիմնադրամը հավանության արժանացրեց ՊՈԱԿ-ի կողմից ներկայացված ծրագիրը և 2017թ. նոյեմբերի 26–ին <<Սևան>> ազգային պարկ>> ՊՈԱԿ-ին շնորհեց Parrot DISCO FPV և Parrot Bebop 2 դրոնները՝ 1000$ արժողությամբ:
Դրոնները, հանդիսանալով ժամանակակից բնապահպանական գործիքներ, մեզ օգնեցին խթանել պարկի պահպանության իրականացումը, գնահատել <<Սևան>> ազգային պարկի անտառախիտ տարածքների ներկա վիճակը, ինչպես նաև օժանդակել Սևանա լճում բնադրող ջրլող թռչունների տեսակների ընթացիկ ուսումնասիրության անցկացմանը: Բացի դրանից, դրոնները մեծ նշանակություն ունեցան պարկի տարածքում գտնվող արգելոցների և արգելավայրերի, հատկապես դրանց տարածքում գտնվող էնդեմիկ բուսատեսակների և կենդանատեսակների պահպանության, ինչպես նաև մարդու վնասակար ազդեցությունը կարևոր նշանակություն ունեցող հատուկ պահպանվող տարածքներում բացառելու առումով: Օգնեցին կանխարգելել հատուկ պահպանվող տարածքներում ապօրինի ծառահատումները, որովհետև յուրաքանչյուր ծառ, յուրաքանչյուր տեսակ, յուրաքանչյուր վայր կարևոր նշանակություն ունի մեր բնաշխարհում, որի պահպանությունն ու պաշտպանությունը մեր հավաքական ապագան է :
Բնությունն այն է, ինչից կախված է մեր կյանքը և գոյությունը: Այն մեր բարօրության և բարեկեցության աղբյուրն է և այն պաշտպանելը մեր պարտականությունն ու առաջնային խնդիրն է:
Նվիրաբերված դրոնները <<Սևան>> ազգային պարկ>> ՊՈԱԿ-ի պահպանության բաժնի համար կարևոր նշանակություն ունեն, ինչի համար <<Սևան>> ազգային պարկ>> ՊՈԱԿ-ը իր խորին շնորհակալությունն է հայտնում IDEA WILD միջազգային հիմնադրամին:

<<Սևան>> ազգային պարկ>> ՊՈԱԿ-ում հյուրընկալվել էր Շվեդիայի <<Մասնավոր անտառների սեփականատերերի ասոցիացիայի>> պատվիրակությունը

<<Սևան>> ազգային պարկ>> ՊՈԱԿ-ում 15.05.2018թ․-ին հյուրընկալվել էր Շվեդիայի <<Մասնավոր անտառների սեփականատերերի ասոցիացիայի>> պատվիրակությունը։ Հանդիպման ընթացքում ՊՈԱԿ-ի տնօրեն Վահե Գուլանյանը ներկայացրեց <<Սևան>> ազգային պարկ>> ՊՈԱԿ-ի գործունեությունը և Սևանա լճի պահպանության համար իրականացվող միջոցառումները: Կողմերը հետագա համագործակցության և փորձի փոխանակման պատրաստակամություն հայտնեցին։

 

<<Հայ-բելառուսական բարեկամության անտառի>> հիմնում

<<Հայ-բելառուսական բարեկամության անտառի>> հիմնման նպատակով ՀՀ բնապահպանության նախարարության <<Սևան>> ազգային պարկ>> ՊՈԱԿ-ի և անտառների կառավարման հանրապետական ունիտար <<Բելգոսլես>> ձեռնարկության միջև կնքված պայմանագրի համաձայն, <<Սևան>> ազգային պարկ>>-ի տարածքում շուրջ 10 հա-ի վրա իրականացվում են անտառտնկման աշխատանքներ: Նման լայնածավալ անտառտնկման աշխատանքները եզակի են և շատ կարևոր տարածաշրջանի համար: Ապրիլի 17-ին <<Սևան>> ազգային պարկ>> ՊՈԱԿ-ի աշխատակիցների հետ համատեղ ծառատունկին մասնակցել են նաև ՀՀ Գեղարքունիքի մարզպետարանի և Ծովագյուղ համայնքի պոլիկլինիկայի աշխատակիցները, ինչպես նաև Ծովագյուղ համայնքի դպրոցի ավագ դասարանների աշակերտները: Ինչպես արդեն հայտնել էինք, տնկիները բերվել են Բելոռուսի հանրապետությունից և ՀՀ-ում են եղել 16.04.2018թ.-ին, իսկ <<Սևան>> ազգային պարկ>> ՊՈԱԿ-ի կողմից մինչև տնկիների հասնելը իրականացվել էին նախապատրաստական աշխատանքներ: Շնորհակալություն բոլոր մասնկիցներին:

Հայ-բելառուսական բարեկամության անտառի հիմնման համար տնկիներն այսօր հասան <<Սևան>> ազգային պարկ

Հայ-բելառուսական բարեկամության անտառի հիմնման համար բելառուսների կողմից ուղարկված տնկիներն այսօր հասան <<Սևան>> ազգային պարկի տարածք: Տնկիների հետ նաև <<Սևան>> ազգային պարկ>> ՊՈԱԿ-ին են տրամադրվել անտառտնկման համար աշխատանքային գործիքներ:<<Սևան>> ազգային պարկ>> ՊՈԱԿ-ի և Բելգոսլես կազմակերպության ներկայացուցիչները միասին տնկիները դատարկեցին, պահեստավորեցին, նախապատրաստեցին տնկման համար, նաև փորձարկեցին գործիքները: Վաղը Սևանի մասնաճյուղի տարածքում, Ծովագյուղ համայնքին հարակից հատվածում, շուրջ 10 հա մակերեսով տեղի կունենա ծառատունկ: Հրավիրում ենք բոլորին՝ իրենց մասնակցությունն ունենալու այս կարևոր գործին:

Ֆրանս-հայկական զարգացման հիմնադրամի կողմից  2017 թվականին իրականացվեց <<Մաքուր Սևան>> ծրագիրը

Ֆրանս-հայկական զարգացման հիմնադրամի կողմից  2017 թվականին իրականացվեց <<Մաքուր Սևան>> ծրագիրը (ֆինանսավորող՝ <<Վեոլիա>> հիմնադրամ): Ծրագրի շրջանակներում <<Սևան>> ազգային պարկի>> ՊՈԱԿ-ին տրամադրվեցին նոր աղբամաններ՝ 240 և 1100 լիտր տարողություններով, հանրային լողափերի մուտքերի մոտ տեղադրվեցին ուղղորդող, իսկ հանրային լողափերի տարածքներում՝ ինֆորմացիոն ցուցանակներ և աշխատանքի հանրային լողափերը սպասարկող անձնակազմ՝ 20  մարդ: Ծրագրի իրականացման արդյունքում լողափերը դարձան ավելի գրավիչ և հնարավոր եղավ ապահովել պատշաճ մաքրություն: Ծրագրի իրականացման ընթացքում նաև իրականացվեցին մի շարք միջոցառումներ,որոնց ընթացքում Ֆրանս-հայկական զարգացման հիմնադրամի կամավորների կողմից հանգստացողներին բաժանվեցին թղթյա մեկանգամյա օգտագործման փոքրիկ աղբամաններ (փոքր աղբը ավազին չլցնելու նպատակով), որն առաջացրեց հանգստացողների հետաքրքրությունը և տվեց դրական արդյունք՝ արդեն նման աղբամաններին ծանոթ մարդիկ հարցնում, հետաքրքրվում էին , թե կան արդյոք փոքր աղբամաններ, որպեսզի կարողանային փոքրիկ մնացորդների համար օգտագործել:

API key not valid. Please pass a valid API key.