Սևանա լճի ափին գործող հանրային լողափերը 8-ն են և գտնվում են լճի տարբեր հատվածներում, որոնց տեղակայման մասին ձեզ կհուշեն մեր ցուցանակները:
Հուլիսի 1-ին Սևանա լճի լողափնյա հանգստի սեզոնի բացումն է
Լողափնյա սեզոնին ընդառաջ մեկնարկել են հանրային լողափերի բարեկարգման աշխատանքները
«Սևան» ազգային պարկ» ՊՈԱԿ -ի կողմից մեկնարկել է լողափնյա սեզոնի բացմանը ընդառաջ հանրային լողափներում մաքրման և բարեկարգման աշխատանքները: հույս ունենաք մեր կապուտաչյա գեղեցկուհու ափին հանգստացողները խնամքով կվերաբերվեն և մաքուր կպահեն այն:
Հունիսի 17-ը Անապատացման դեմ պայքարի միջազգային օրն է
25-տարի առաջ՝ 1995 թվականի այս օրը ստորագրվեց Անապատացման դեմ պայքարի կոնվենցիան: Հայաստանը «Անապատացման դեմ պայքարի» կոնվենցիային անդամակցող առաջին երկրներից է, որը մշակել է երկրում անապատացման դեմ պայքարի գործողությունների ազգային ծրագիրը։
Հայաստանն անապատացման տեսանկյունից խոցելի երկիր է: Անապատացումը բնորոշվում է հողային ռեսուրսների դեգրադացմամբ, կենսաբազմազանության և կենսապաշարների աղքատացմամբ, որի հետևանք է դառնում բնակչության սոցիալական վիճակի վատթարացումը: Հողերի անապատացման պատճառ կարող է լինել անտառների ապօրինի հատումը, անասուների գերարածեցումը, ոչ ճիշտ կառուցապատումը, հողերի աղտոտումը և այլն: Անապատացման մեղմացումը և կանխարգելումը երկրի կայուն զարգացման երաշխիքներից են:
Նյութի աղբյուր՝ ՀՀ Շրջակա միջավայրի նախարարություն
Շաբաթօրյակ <<Սևան>> ազգային պարկ>> ՊՈԱԿ-ի մասնաճյուղերի տարածքներում
Սույն թվականի հունիսի 8 -ին <<Սևան>> ազգային պարկ>> ՊՈԱԿ-ի Սևանի, Նորատուսի, Մարտունու, Վարդենիկի, Վարդենիսի, Արևիկի և Արտանիշի մասնաճյուղի աշխատակիցների կողմից շաբաթօրյակի աշխատանքներ են իրականացվել մասնաճյուղերի տարածքներում։
<<Սևան>> ազգային պարկ>> ՊՈԱԿ-ի անձնակազմը մաքրեց հանրային լողափը
Այսօրվա համապետական շաբաթօրյակին <<Սևան>> ազգային պարկ>> ՊՈԱԿ-ի անձնակազմը մաքրեց հանրային լողափը` նաև պատրաստվելով լողափնյա սեզոնին, թեև արդեն լողացողներ կային։
Եկեք մաքուր պահենք…
<> ազգային պարկի բնապահպանները նշեցին բնապահպանի օրը
Շրջակա միջավայրի համաշխարհային օրվան նվիրված <<Սևան>> ազգային պարկ>> ՊՈԱԿ -ի աշխատակիցների կողմից կազմակերպվել է էկոկրթական միջոցառումներ` մատաղ սերնդին փոխանցելով բնության պահպանության կարևորությունն ու յուրաքանչյուրի պատասխանատվությունն այդ կարևոր գործում։ Իսկ օրվա վերջում ՊՈԱԿ-ի անձնակազմը շրջեց Սևանա լճի վրա` ևս մեկ անգամ հիանալու նրանով, ինչի պահպանության համար էլ մենք աշխատում ենք… Շնորհավոր բոլոր նրանց տոնը, ովքեր մեզ հետ միասին պահպանում ու սիրում են բնությունը…
Devoted to the World Environment Day the staff of “National park “Sevan” SNCO has organized some eco-educational events conveying to the younger generation the significance of nature conservation and responsibility of everyone in this important thing. At the end of the day the staff of “National park “Sevan” SNCO has made a journey around lake Sevan to admire the lake for which conservation we work…
Congratulations to them who together with us protect and like the nature…
Հունիսի 5 Շրջակա միջավայրի համաշխարհային օր
1972թ. ՄԱԿ-ի Գլխավոր Ասամբլեան հունիսի 5-ը հայտարարեց Շրջակա միջավայրի համաշխարհային օր, որն էլ դարձավ միջազգային բնապահպանական օրացույցի կարևոր տոներից և ամեն տարի նշվում է ավելի քան հարյուր երկրներում: 1972թ. հունիսի 5-ին տարբեր պետությունների ղեկավարների Ստոկհոլմյան կոնֆերենցիան ստեղծեց նաև հատուկ կազմակերպություն` շրջակա միջավայրի պահպանման ՄԱԿ ծրագիրը /UNEP/: Մարդկային քաղաքակրթության ժամանակակից տեխնիկական զարգացումը ներկա դրությամբ հանգեցրել է շրջակա միջաավայրի զգալի աղտոտվածությանը: Մարդու ամենօրյա տնտեսական և զիվորական գործունեության արդյունքում` վթարները արդյունաբերական օբյեկտներում և զենքերի փորձարկումները բնական միջավայրին վնաս են հասցնում: Շրջակա միջավայր թափանցող շատ միացություններ չեն հանդիպում բնության մեջ, դրանք մարդու կողմից արհեստականորեն սինթեզված են:
Ճայերը այս տարի ձվադրել են նաև ափամերձ տարածքում
Ճայերը (հայկական որորները) այս տարի բացի իրենց կղզյակներից, ձվադրել են նաև ափամերձ տարածքում` վտանգելով սեփական ճուտիկների ծնվելը։ Իսկ տարածքում նաև կան աղվեսներ, շնագայլեր և այլ կենդանիներ, որոնք հեշտությամբ կմոտենան և կսնվեն դրանցով։ Պարզվում է Նորաշենի արգելոցի կղզյակները փոքր են հայկական որորի նման խոշոր պոպուլյացիայի համար։
Չվող թռչունների համաշխարհային օրվան ընդառաջ Սևանի ափը մաքրվել է պլաստիկից
Մայիսի 11-ին «Սևան» ազգային պարկի Որորների կղզու հարակից հատվածում Բնապահպանության նախարարության նախաձեռնությամբ կազմակերպվել են «Չվող թռչունների համաշխարհային օրվան» նվիրված միջոցառումներ, որոնց ընթացքում իրականացվել են տարածքն աղբից մաքրման, պլաստիկի տարանջատման աշխատանքներ։ Սևանում է գտնվում կարմիրգրքային Հայկական որորի՝ աշխարհում մեծությամբ երկրորդ գաղութը (Ամենամեծը՝ Արփի լճում է)։
Մաքրման աշխատանքների ավարտից հետո կազմակերպվել է էքսկուրսիա Որորների կղզու հարակից ափ, դպրոցականների և ուսանողների համար կազմակերպվել է թռչունների դիտարկում և լուսանկարահանում։ Միջոցառմանը մասնակցել են Արարատի մարզի Այնթապի թիվ 2 միջնակարգ դպրոցի «Բնասերներ» խմբակի աշակերտներ, Պետական մանկավարժական համալսարանի ուսանողներ, Հայաստանի թռչնադիտորդների ասոցիացիայի, «TSE Դեպի կայուն համակարգեր» և ISSD հասարակական կազմակերպությունների ներկայացուցիչներ, «Սևան» ազգային պարկի աշխատակիցներ։
Բնապահպանության նախարարի իրավախորհրդատու Կարեն Աղաբաբյանը տեղեկացրել է, որ 2019 թվականի «Չվող թռչունների համաշխարհային օրվա»(մայիսի 12) խորագիրը ՄԱԿ-ը սահմանել է «Թռչունները և պլաստիկը»։ Աղաբաբյանը ներկաներին իրազեկել է ջրլող թռչուններին սպառնացող վտանգների՝ հատկապես ջրավազանները պլաստիկով աղտոտելու վտանգների մասին, ծանոթացրել թռչունների հաշվառման և օղակավորման աշխատանքների հետ։
Մաքրման արդյունքներում տարանջատված պլաստիկը ISSD հասարակական կազմակերպությունը տեղափոխել և հանձնել է վերամշակման։
API key not valid. Please pass a valid API key.
<<Իմ քայլը հանուն Գեղարքունիքի մարզի>> բիզնես ֆորումին իր մասնակցությունն ունեցավ նաև <<Սևան>> ազգային պարկ>> ՊՈԱԿ-ը
11.05.2019թ. -ին Գավառ քաղաքում տեղի ունեցավ <<Իմ քայլը հանուն Գեղարքունիքի մարզի>> բիզնես ֆորումը, որին իր մասնակցությունն ունեցավ նաև <<Սևան>> ազգային պարկ>> ՊՈԱԿ-ը: ՊՈԱԿ-ի ճարտարապետ Հայկ Բաբայանի կողմից ներկայացվեց կազամկերպության բազմաթիվ ծրագրերից մեկը` մասնավորապաես Սևանա լճի ափին նախատեսվող քաղաքի նախագիծը:
API key not valid. Please pass a valid API key.
Տեսահոլովակի աղբյուր՝ «Ազատություն TV» լրատվական կենտրոն